В регионах Алматы и Астана временно недоступно создание Floating IP. Остальные ресурсы можно создавать и использовать в штатном режиме.
Bulutli serverlar
Xizmat haqida
Narxlar
Yordam
Bulutli serverlar (IaaS) — Qozog‘iston va O‘zbekistonda joylashgan PS Cloud platformasidagi hisoblash resurslari. To‘lov har oy yoki PAYG modeli asosida amalga oshiriladi. Xizmatlar PCI DSS 4.0.1 axborot xavfsizligi standartiga mos keladi. Migratsiyada bepul yordam beramiz. Platforma DBaaS, K8saaS va boshqa xizmatlarni ham o‘z ichiga oladi.
Bulutli serverlarning imkoniyatlari va afzalliklari
Moslashuvchan konfiguratsiyalar
Intel va AMD protsessorlarida ishlaydigan bulutli serverlarning vCPU soni va operativ xotira hajmini sozlang. HDD, SSD yoki NVMe disklarini va operatsion tizimni tanlang, tarmoqlarni ulang, kirish siyosatlari hamda zaxira nusxa olish jadvalini sozlang. IPv6 manzillari so‘rov bo‘yicha bepul taqdim etiladi.
Masshtablash va to‘lov
Serverlarni bir necha daqiqada yarating, yuklamaga qarab konfiguratsiyalarni o‘zgartiring va keraksiz resurslarni o‘chirib qo‘ying. Uskuna xaridi uchun kapital xarajatlarsiz soatbay yoki oylik to‘lov qiling.
Uchta joylashtirish mintaqasi
Bulutli serverlarni Olmaota, Ostona va Toshkentda ishga tushiring. Zaruratga ko‘ra, loyiha komponentlarini mintaqalar bo‘ylab taqsimlang. Zaxiralash va replikatsiya loyiha arxitekturasiga bog‘liq bo‘lib, alohida sozlanadi.
Xavfsizlik
PS Cloud xizmatlari to‘lov kartalari ma’lumotlarini himoya qilish bo‘yicha xalqaro PCI DSS 4.0.1 standartiga muvofiq sertifikatlangan.
24/7 texnik yordam
SLAga ko‘ra, rejali ishlar hisobga olinmaganda, xizmatning yillik mavjudlik darajasi 99,8% ni tashkil etadi. Platformaga Red Hat (RHCA, RHCE, RHCSA) va Kubernetes (CKA, CKS) sertifikatlariga ega muhandislar xizmat ko‘rsatadi. Qo‘shimcha ravishda, ma’murlash va DevOps ishlarini texnik yordam jamoamizga topshirishingiz mumkin.
Boshqarish va avtomatlashtirish
Bulutli serverlar, disklar va tarmoqlarni PS Cloud GUI orqali boshqaring; virtual mashinalarga kirish uchun VNCdan foydalaning. Boshqaruvni OpenStack REST API va CLI, Go va Python uchun SDK, Terraform va Ansible yordamida avtomatlashtiring.
Bulutni boshqarish bo‘yicha sharh
PS Cloudning boshqa xizmatlari
Bulutli ma’lumotlar bazalari
Zaxira nusxa olish, masshtablash va replikatsiya imkoniyatlariga ega boshqariladigan MySQL, PostgreSQL, MariaDB va KeyDB ma’lumotlar bazalari.
